კობა სუბელიანი დღეს იმერეთის რეგიონს ესტუმრა და იქ ჩასახლებული დევნილები მოინახულა. მინისტრმა იმერეთის რეგიონში დევნილებისთვის რეაბილიტერებული საცხოვრებელი კორპუსები პირადად ნახა. კოპიტნარის ყოფილ სამხედრო დასახლებაში მინისტრმა სრულად აღდგენილი 13 კორპუსი დაათვალიერა და აღნიშნა, რომ დღეიდან აფხაზეთიდან დევნილი 452 უკეთ იცხოვრებს, ვიდრე უწინ.

აფხაზეთიდან და ცხინვალის რეგიონიდან დევნილი 50 ბავშვი უზენაეს სასამართლოს სტუმრობდა. ისტორიული და პლენარული დარბაზებისა და საკნების დათვალიერების შემდეგ ბავშვებს სასამართლოს თავმჯდომარემ კონსტანტინე კუბლაშვილმა და ლტოლვითა და განსახლების მინისტრმა კობა სუბელიანმა უმასპინძლეს. მინისტრსა და სასამართლოს თავმჯდომარესთან შეხვედრა დიალოგის ფორმატით გაიმართა. ბავშვებს საშუალება ჰქონდათ მათთვის საინტერესო ნებისმიერ კითხვაზე პასუხები მიეღოთ.

ხვალ, 3 თებერვალს, 2.00 საათზე, აფხაზეთიდან და ცხინვალის რეგიონიდან დევნილი 50 ბავშვი უზენაეს სასამართლოს ესტუმრება.

დღეს, 1 თებერვალს, ლტოლვილთა და განსახლების მინისტრი კობა სუბელიანი ზუგდიდში ჩავიდა და აფხაზეთიდან დევნილ მოსახლეობას შეხვდა. მინისტრმა რეაბილიტირებული შენობები დაათვალიერა. მათ შორის ინგირის ყოფილი სკოლა-ინტერნატის შენობა, სადაც აფხაზეთიდან დევნილი 43 ოჯახი ცხოვრობს. აღნიშნული შენობა სახელმწიფომ სრულად აღადგინა, გაარემონტა და დევნილებს საკუთრებაში გადაეცემათ.

სოფელ კოდაში, რუსთავსა და შაუმიანში დევნილებისთვის 1 თებერვლიდან სათემო განათლების ცენტრები ამოქმედდება. პრეზენტაცია დღეს სოფელ კოდაში გაიმართა. პროექტი დევნილების სოციალ-ეკონომიკურ ინტეგრაციას ეხება და ევროკავშირი 1 მილიონი ევროთი აფინანასებს.

დღეს, 26 იანვარს, 13.00-ზე სოფელ კოდაში რუსთავის, კოდისა და შაუმიანის სათემო განათლების ცენტრების პრეზენტაცია გაიმართება. ევროკავშირის პროექტის - "იძულებით გადაადგილებული პირების სოციალურ-ეკონომიკური ინტეგრაციის ხელშეწყობა ქვემო ქართლის რეგიონში" მიზანია დევნილთა მხარდაჭერა და არაფორმალური განათლების პროგრამების განხორციელება.